БЕЗ НИ ӨЧЕН ШӘРИФ КАМАЛ ПРЕМИЯСЕН ИГЪЛАН ИТӘРГӘ БУЛДЫК?
Чөнки:
1⃣ Шәриф Камал үз заманының әдәбият һәм сәнгать вәкилләрен туплап торган «эпицентр» булган;
2⃣ Шәриф Камал иҗаты мәңгеләштерүгә һәм яңача укылуга лаек;
3⃣ Шәриф Камал иҗат иткән жанрларга игътибарны кабат җәлеп итәргә кирәк дип уйлыйбыз.
4⃣ Яшь авторларны барлау һәм аларга мотивация бирү - безнең бурыч.
5⃣ Шәриф Камал - әдәбиятка яңа темалар һәм сәнгать алымнары алып кергән әдип. Премиягә дәгъва итүчеләр алдына да бу шартны куйдык.
ФАКТЛАР:
🔸 Шәриф Камал татар әдәбиятының классигы. Ул хикәяләр, новеллалар, повесть-романнар һәм драма әсәрләре иҗат иткән.
🔸 Шәриф Камал татар язучылары арасыннан беренче булып СССРның иң югары дәүләт бүләге – Ленин ордены белән бүләкләнә.
🔸 Шәриф Камал музее – Казанда татар язучысына ачылган беренче музей.
🔸 Шәриф Камал тәрҗемә өлкәсендә дә эшли: ул Михаил Шолоховның барыбызга да яхшы таныш «Күтәрелгән чирәм» («Поднятая целина») әсәрен татар теленә тәрҗемә итә.
🔸 Шәриф Камал, әдәбиятка килгәнче, эшчеләр тормышын үз җилкәсендә татый – Каспий балык промыселларында, Донбасс шахталарында эшли. Эшчеләр темасын татар әдәбиятына беренче булып алып керүче язучылардан.